ტეილორ სვიფტი (დ. 13 დეკემბერი, 1989) არის ამერიკელი ქანთრი პოპ მომღერალი-კომპოზიტორი და მსახიობი. 2006 წელს, მან გამოუშვა თავისი სადებიუტო სინგლი „Tim McGraw", შემდეგ კი მისი სახელის მქონე სადებიუტო ალბომი, რომელიც საბოლოოდ მრავალჯერ-პლატინის ხარისხით სერტიფიცირდა ამერიკის ხმის ჩამწერი ინდუსტრიის ასოციაციის მიერ. 2008 წლის ნოემბერში, სვიფტმა გამოუშვა მეორე ალბომი, Fearless. Fearless-მა და Taylor Swift-მა 2008 წელი შესაბამისად მესამე და მეექვე ადგილებზე დაამთავრეს, გაყიდვებით 2.1 და 1.5 მილიონი. Fearless პირველ ადგილზე მოხვდა Billboard 200-ში 11 კვირა (არა თანმიმდევრულად); არც ერთი სხვა ალბომი არ ყოფილა 1 ადგილზე ამდენი ხანი 2000 წლის შემდეგ. სვიფტი Billboard Magazine-მა 2009 წლის საუკეთესო მომღერლად დაასახელა. Fearless-მა მოიგო გრემი საუკეთესო ალბომისთვის 2010 წელს. 2008 წელს, მისი ალბომების გაყიდვის ჯამმა 4 მილიონს მიაღწია, რის შედეგადაც ის აშშ-ში წლის ყველაზე გაყიდვადი მუსიკოსი გახდა, Nielsen SoundScan-ზე დაყრდნობით. ფორბსმა სვიფტი 2009 წელს 69-ე ადგილზე დაასახელა ყველაზე გავლენიან ცნობილ ფიგურებს შორის, შემოსავლით $18 მილიონი. 2010 წლის იანვარში Nielsen SoundScan-მა სვიფტი დაასახელა სიმღერების ციფრული ასლების ყველაზე გაყიდვად მომღერალად დახლოებით 24.3 მილიონი გაყიდული ციფრული სიმღერით. დღეს მას გაყიდული აქვს დაახლოებით 10 მილიონი ალბომი მთელი მსოფლიოს მასშტაბით.
|